當我後生嘅時候，我對減肥（禁食及間竭性禁食）都有好多誤解。上晝唔食早餐、午餐食得好少，到夜晚頂唔順宵夜又暴飲暴食，而且每朝精神狀態好差！呢種錯誤嘅減肥方法唔單止唔能夠減磅，仲誘發你嘅荷爾蒙失調、便秘等等其他健康問題。

減肥其實冇我哋想像中咁難！首先要注意到想減肥一定要令到自己新陳代謝保持及提升。每日早、午及晚餐需要大量蔬菜、確保每餐有足夠蛋白質及健康嘅脂肪、飲大量嘅水及適量步行。最重要持之以恆（我一星期會有五日），六、日間唔中放肆一點係對減肥唔構成任何問題！

而家等我分享一啲我減肥心得：
1/ 切記不能進食加工食物例如M記、可樂…因為加工食物完全堵塞新陳代謝，令我哋減肥計劃加速幻滅！當想食零食嘅時候請準備定自己嘅健康小食及純黑朱古力去代替加工零食。尤其是黑朱古力，當初期減肥嘅時候情緒差一粒朱古力會令你情緒立即變好，可以試試！

2/ 蛋白質不一定要食蛋。另一個誤解係你誤解要每日食好多蛋。其實蛋白質可以來自肉類、豆類，或者我會進食蛋白質奶昔代餐。佢味道好之餘又能攝取足夠蛋白質，而且非常方便攜帶

3/ 進食「健康」碳水化合物。唔健康嘅碳水化合物包括白飯、白麵包。我選取嘅健康碳水化合物包括番薯，紅糙米飯。咁樣可以令我哋新陳代謝提升及每日精精神神工作

對於坊間講間竭性禁食對減肥有幫助我有啲質疑，因為每個人執行時候嘅方法都會唔同，而且我不嬲都反對一時肚餓、一時飽到呢種落差太大嘅減肥方法，因為咁樣係會令知道荷爾蒙失調（長期咁做真係會提早更年期！ ）以及情緒失控⋯希望我俾你嘅減肥小帖士對你有幫助啦🥰

可以再留言看看我的每日飲食清單👇👇