我一直相信只要做好一件事,
其餘嘅嘢就交俾個天做決定。

細細個喺屋村爸爸揸的士夜返,
又見媽咪要湊四個仔女好辛苦,
所以經常諗有乜嘢可以幫媽咪慳力慳時間做家務,
又經常跟住爸爸去鴨寮街天光墟修理家電,
又又經常睇住細佬點樣拆開電器研究,
自細對產品、家電原理有啲心得。

中學開始對營養學有興趣,
但揀選文科令我逼住放棄最後選擇社工。
但生完之後發覺自己對營養學仍有濃厚興趣,
奈何年紀太大唔可能重新讀書,
更不可能轉工做營養師回饋社會。

科技進步另我可以踏上電商之路,
更想不到一個疫情令香港人只可透過網購改善生活,
見住好多fans急切了解產品而上嚟我公司做體驗,
但公司狹窄、忙碌同事只令到fans體驗得更差,
呢件事一直都耿耿於懷。

一向渺小嘅我,
估唔到天會咁眷顧我,
一直支持我嘅網購店Shopline 竟然提出開實體店合作,
係專業團隊嘅協助之下,
將我一個永遠唔可以實現嘅夢,
依家就真係呈現係我眼前。

我嘅願望亦始終都仍然好卑微,
俾我團隊可以親身介紹能改善生活嘅小家電,
俾我可以用慬餘嘅營養知識介紹健康食品,
其實我就心意滿足。

有人覺得賺一千萬才叫成就,
有人覺得攞諾貝爾獎才算成就,
其實我從來覺得,
只要做好一件事就已經叫成就

記住有咩貨品想在實體店試都可以留意話我知啊😃

POWERED BY SHOPLINE 限時實體店
時間: 2月21日至3月21日
地址:中環香港站預辦登機大堂 G/F HOK 51 舖(香港站 E 出口上扶手電梯)
開放時間:11:00-20:00