🐷：媽咪，天空嘅色係深藍色，呢個係中藍色！

大女大左一定係一個調音師，因為佢一直對每一個顏色、音調都會有好嚴格嘅區分

🐵：媽咪，你呢個形狀唔啱，呢一塊先啱！

細佬呢，以後你嘅職業一於做裝修佬，五角型、六角形螺絲都呃你唔到！

一家人喺笑聲之中渡過兩日沉悶嘅假期。如果疫情冇襲港，我相信我一如以往復活節假去旅行，去旅行當然開心因為唔使諗，但旅行各自各快樂亦都欠缺左一家人溝通嘅機會。至少我唔能夠觀察到佢兩個有咩talents。

呢個疫情，我成日覺得係上天俾我哋人思考嘅時間。停學期間相信家長們好大壓力，不斷焦慮小朋友唔能夠成功升學，學業不斷退步…但我總覺得我們現時生活節奏太快：競爭過了頭、科技過了頭，令人相對寂寞，生活越來越不快樂⋯我不希望小朋友嘅將來係活係不快樂，及活係自己嘅世界。

我理想小朋友嘅未來，係活係一個群體、互助互愛嘅世界，就好似每人都係一塊puzzle一樣，冇人完美，但大家互相幫助互相緊扣，成為一張完美嘅構圖。就算日後未來有下一次疫情、困難嘅時候，互相幫助互相守望先至可以共同跨過危機，建立喜悅嘅未來。