當初和老公構思Miky，其實不是一個生意，只是想印證與我攜手一齊keep young, 一齊做運動。

還記得中六認識老公，佢對我第一個印象係： 唔健康。唔識踩單車，游水，踩冰，羽毛球…拍拖只係唱K同食；試過教我去踩單車，我真係喺單車場喊出嚟，啲人好心問我係咪俾人蝦；我好驕傲自己皮膚白，但老公堅持話呢啲叫「死白」；我又成日好易昏，老公更目睹過我一日昏三次嘅世界紀錄。

生完個囡，肥咗40磅，於是更順便放棄瘦身。

唔只肥咗，身體仲有好多訊息話我聽我好唔健康。老公想我健康，更想與我終老，於是，二話不說增肥20磅，目的就係令我不再孤單，陪我一齊減肥keep young。老公努力谷肥自己陪伴我，令我感覺到自己嘅健康路上最緊要係有人支持！有人支持力量就有了！

唔好睇小呢個M字嘅Yoga動作，其實已經NG左20次。對於我老公來講好容易做到，對於我來講，做20次都係伸唔直隻腳😅😅（做得最完美嗰條片已經唔見咗，因為係泰國唔見咗iPhone😭😭）「唔緊要啦，我哋一年做一次，每年upload落去FB page, 總有一年可以做得完美。」

人生健康路上，困難再多，至少我與你們一齊牽着手，陪伴向前。呢個就係我哋May I keep young 嘅宗旨。