我們以為快樂總是升職加薪，是仔女入名校，是手頭上啲股票升幾個dup …快樂好像遙不可及，其實是因為我們想得太複雜，總覺得一定要做好多事才會快樂，就好像去「港式旅行團」早上6點玩到12點就叫快樂？其實剛好相反。

事緣我和幾個廿幾年前嘅中學同學講左20年話要去旅行，其實年年都話去，但因大家總有「心結」未解決，所以一次又一次告吹..

同學A:「公司有個好重要嘅project要pitch, 中咗的話我實會升職加薪，今年唔去得⋯」
同學B：「阿女今年要升小一，只要我睇實埋呢一年，我就行開…」
同學C: 「老婆想搬屋，因為想有個靚校網，今年都係搵樓下年先…」

如是者都講左20年，真係有啲火滾😡😡然後同佢地講：「大家已經40歲，前半生大家多咗財富多咗家庭，又多咗肚腩多咗白頭髮多左煩惱…究竟大家要加到幾時先至滿足？咁樣無止境加落去大家真係快樂嗎？」

早前長假終於落實，我哋叫佢做「減法旅行團」首先地方係越南，冇得shopping（我原本建議冇Wi-Fi最終被反對😂😂）唔准帶「bling bling書」，總之一切從簡，翻翻去小朋友「初心」去享受旅遊嘅本質…果然，大家呢幾日相處多咗溝通笑聲，玩啲「低能野」又一日。四日三夜「低能減法旅行團」圓滿結束，各成員跟住問：下次聖誕我哋去邊度？

我們減去多餘的物質, 減去奢侈的慾望, 減去心靈的負擔, 「減去」事情才會快樂。人生匆匆，還要繼續把時間浪費在你痛苦的人或事嗎？