「蛋糕造型我見得多，用黃飯整個Hello Kitty造型 ,真係第一次見！」我的媽媽說。如果有人叫蛋糕造型師，我的印尼姐姐就是黃飯造型師！

每年印尼新年，佢會依照傳統整印尼九大簋俾我哋食，呢種傳統意義，對於印尼人來講就係最尊敬嘅敬意。自從大女細仔出世之後，佢亦當我們係一家人「家姐鍾意乜嘢呢，等我煮啲嘢俾佢食？」印尼姐姐總有一份體貼細緻入微嘅誠意，用非物質化的舉動，觸動到我哋心𤫊。「大女好似最近鬱鬱不款，我想送個黃飯俾佢」大女已經12歲，明顯地對印尼姐姐嘅心意已經再冇新鮮感。「隨便就可以了」我說。

話說我的印尼姐姐已經跟左我10年（未算勁，跟我老公21年）我老公入大學21歲時，佢已經24歲來香港服侍我老爺奶奶一家人。能在香港同我地相處21年絕對不簡單，最大關鍵是她擁有一顆赤子之心，無條件的付出。

黃飯絕對不是像蛋糕及糖膠般能做出萬千變化的造型。但黃飯在印尼姐姐手中，能像糖膠般做出栩栩如生的造型，就像今次嘅Hello Kitty！

在外國，糖皮蛋糕被當成藝術品看待，很多人不在乎食物的外觀，因為始終會吃進肚子，味道才最重要；亦有人對待食物只是呃like工具, 好吃與否絕不關心。但世上還有人像我家中印尼姐姐那樣，明知道黃飯最終會被切得支離破碎，也要做得細緻認真，令黃飯變成賞心悅目的禮物，即使最後被吃掉也不枉。

「下次不如整比細仔，佢好鍾意Pocky Monster」此刻我吃到的不只是味道，還有一份真摯關係的確定。是因為她十分珍惜我們相處嗎？所以不辭勞苦用行動回報？其實呢刻係我哋好幸福？定係佢先最幸福？對我們香港人難以理解的是，每分付出必須要確定每分回報，但我從她的眼神看出，施比受，絶對更為幸福！

祝所有印尼姐姐新年快樂！