尋日同兩大母親慶祝母親節一齊傾起減肥及健康飲食，原來兩大母親都對健康飲食存有好大誤解：

食蛋要走蛋黃、晚上六點後食嘢會增磅…回想返之前我對健康飲食唔認識，都好鍾意聽呢啲坊間嘅迷思。

如果你仍然對健康飲食感到困惑，請花小小時間去睇：

1/ 生果太多糖分唔健康：生果嘅糖分其實係單糖，唔食太多（唔好純飲榨汁）其實唔大問題；而且水果提供維生素、礦物質及纖維，只要你唔係糖尿病、及連埋生果纖維一齊食，水果仍然對整體飲食健康好重要。

2/ 食蛋黃唔健康：蛋黃含有非常之好嘅營養及維生素，對成長發育期係非常之緊要；大部份人驚蛋黃係有高膽固醇，其實人體膽固醇大部份都係來自：過多嘅飽和脂肪（例如豬油、奶油）及反式脂肪（例如麥當勞、甜品），極少係來自食得過多蛋黃，除非一日食20隻，否則都唔太大問題

3/ 晚上六點後進食會體重增加：其實沒有任何時段食乜嘢係會吸收啲呢個理論，有人晚間工作、消耗能量較多晚上進食亦沒有問題。好似我注重文書工作、晚間休息嘅就當然早上食嘅份量係會多啲，所以係完全取決於每個人嘅日程安排

4/ 所有脂肪會令你發胖：其實脂肪對我哋人體好多功能都好重要，包括幫助維持體溫、促進健康細胞生長、保護器官…我推崇嘅係食健康脂肪而唔係反式脂肪（例如麥當勞、甜品）及飽和脂肪（例如豬油、奶油）

5/ 所有肉類都唔健康：肉類仍然對一個健康身體提供營養、及蛋白質係非常重要，而部份肉類嘅蛋白質係植物蛋白質取替唔到。我反對嘅係食人工肉類（例如午餐肉、冷藏漢堡）

6/ 減肥一定要配合低碳水化合物餐單：呢樣亦都錯！有部份人嘅工作及活動係需要大量體力勞動，佢哋係需要中等、較高嘅碳水化合物維持高活動量。減肥人士其實仍然需要攝取碳水化合物 呢啲坊間對減肥、健康飲食嘅迷思多數係冇科學根據、及「一竹竿打一船人」，希望日後我嘅健康飲食、輕量運動嘅知識可以幫到大家🥰