上星期同小朋友一齊行山旅行，行到淺水灣見到大商場寫住WTF，老公眉頭一皺，想兜路行唔好比小朋友見到。

我遠處見到小朋友大笑，老公已經搶着答：「呢啲粗口細路仔唔好學！」

「乜嘢粗口啫？WTF 即係 Where‘s the foods 啫！」

我同老公除咗要承認自己開始有啲老花之外😂，亦不禁要承認大人係充滿負面、計算嘅思維，反而我哋大人要向小朋友學習如何正向、對未來憧憬嘅思維，難怪大人經常唔開心，小朋友經常笑容滿面！

各位經常負面嘅大人，或者我哋活在現實太耐，反而多啲與一班小朋友相處，多啲接觸大自然，我哋就會學識「初心」，慢慢做返個有笑容嘅大人！